【期匯決算】天然氣價難重上「斷氣」高位

【Now財經台】雖然歐洲聲稱已完成天然氣補充庫存嘅工作，不過，歐洲天然氣期貨價格自上月底開始續急速回落，英國天然氣期貨價格上周五更單日重挫近25%，較上月高位累計回調逾50%，市場係咪有信心歐洲有能力應對今個冬季嘅天然氣危機？  

 

Z.Com Bullion亞太區業務總監杜浩霆指，英國天然氣價格喺8月中時升到最高位，同作為歐洲天然氣價格基準嘅荷蘭天然氣期貨價格(TTF)走勢一致，據受俄羅斯「斷氣」影響最大嘅德國，喺8月中公布嘅數字顯示，天然氣庫存增幅超預期，最新公布指天然氣庫存已達89%，相信要達至95%嘅目標唔難，而天然氣價格想上返之前俄羅斯突「斷氣」時高位會較難，不過，當歐洲天氣轉冷，預期價格會開始浮動，估計11月後英國天然氣價格會喺每千瓦時160美仙至300美仙之間上落。 

 

---

「期匯決算」 完整節目內容逢星期一於Now財經台及ViuTV 99台之「交易時段」內播出。